««Արցախ», «Վան», «Արարատ» ասողներին կհանձնեն թուրքերին». Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Ուշագրավ բացահայտում

Ցեղասպանության ինստիտուտի տնօրեն էդիտա Գզոյանն աշխատանքից ազատվել է անձամբ Նիկոլի խնդրանքով, որովհետև ԱՄՆ-ը փոխնախագահ Վենսին ցույց է տվել Սումգայիթյան ջարդերի հուշարձանը, խոսել է Արցախից և դրա մասին գիրք նվիրել։ Ըստ այդմ, կասկածամիտ ՆՓ-ի կարծիքով որոշել է փոխել ՀՀ արտաքին քաղաքական ուղեգիծը և սադրանքաշինությամբ է զբաղվել։
Տիկին էդիտան չէր ղեկավարում «Ուրախների և հնարամիտների ակումբը» կամ «Քոմեդի Քլաբը», այլ մեր ազգային ինքնությանն առնչվող ռազմավարական գիտահետազոտական ինստիտուտ՝ կից Ցեղասպանության հուշահամալիրով։ Օրինակ, ի՞նչ պետք է աներ Ցեղասպանության ինստիտուտի տնօրենը կամ ի՞նչ են անում առհասարակ նման կառույցների ղեկավարները օրինակ՝ Երուսաղեմում «Յադ Վաշեմի» ( «Հոլոքոստի» ուսումնասիրման կենտրոն) տնօրեն Դանի Դայան կամ Օսվինցեմի մոտ Աուշվիցի թանգարանի տնօրենը՝ Պյոտր Ցիվինսկին, երբ նրանց այցելում են բարձրաստիճան հյուրեր։ Գիրք են նվիրում, ցուցանմուշների հետ են ծանոթացնում և լոբինգ են անում, այո՛, լոբինգ։
Միգուցե Փաշինյանը նեղսրտել է, որ է.Գզոյանը Վենսին իր հեղինակած գլուխգործոցը՝ «Երկրի հակառակ կողմը» գիրքը, չի նվիրել, այլ ինչ որ «դժգույն երկրամասի» մասին անշուք ակնարկ։ Իսկ եթե հանկարծ Գզոյանը համարձակվեր Վենսին Ֆրանց Վերֆելի «Մուսա լեռան քառասուն օրը» գիրքը նվիրեր, ես վստահ եմ՝ պատվարժան տնօրենին Ցեղասպանության հուշարձանի պատերին էին ծեփելու, Մեծ Եղեռնի հավերժական կրակի գազն էին անջատելու և ռուսներին հիբրիդային պատերազմի հրահրման մեջ մեղադրելու։
Հ.Գ. Եթե սրանք վերընտրվեն «Արցախ», «Արևմտյան Հայաստան», «Վան», «Արարատ» և այլ ազգային ինքնութենական էլեմենտ պարունակող տերմինները կքրեականացնեն, իսկ գործածողներին կուղարկեն գրաքննության համակենտրոնացման ճամբարներ կամ կհանձնեն ուղիղ թուրքերին»։