«Քոչարյանին մնացել է մի քանի քրգործ կարճելու դիմաց վերջին ծառայությունը մատուցել Փաշինյանին»․ Արթուր Դանիելյան

«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը․ «Ֆարմանյան Սամվելը երեկ, արձագանքելով Քոչարյանի գրասենյակի արտագնա ղեկավար Վիկտոր Սողոմոնյանի ստեղծած կոյուղի ալիքի արտաթորած հերթական ստին, բարձրացրեց հարցեր, որոնց մասին ես գրում էի տարիներ առաջ. թե ինչու Կարեն Կարապետյանը համաձայնեց նախ 2018 թվին առաջադրվել ՀՀ վարչապետ, բանտից ազատեց Փաշինյանին, իսկ հետո հրաժարվեց ու կորավ:
Հիմա, 2026 թվականին, երբ արդեն չկա Արցախը ու ամպերը կուտակվում են Հայաստանի վրա, այդ իրադարձությունների մասին խոսելը հանրային դիսկուրսի տեսանկյունից արդեն էական չի: Դա ոչինչ չի փոխում: Մարդկանց արդեն հետաքրքիր էլ չի, թե ոնց եղավ, որ սենց եղավ: Էլ չասեմ, որ քաղաքացիների մի ստվար զանգված չգիտի էլ, թե ով է Կարեն Կարապետյանը և ինչ կապ ունի այս ամենի հետ, քանի որ նրանք 8 տարի առաջ մանուկ էին:
Սա պետք էր բացահայտել մինչև 2021 թվականի դավադիր ընտրությունները, որտեղ Քոչարյանը լեգիտիմացրեց սկզբից բուն ընտրությունների գաղափարը, հետո էլ դրանց արդյունքները որպես հետևանք՝ հող նախապատրաստելով Արցախի հանձման համար:
Անձամբ ես կուզենայի Սամվելից լսել, թե ինչու են այս կարևորագույն դրվագները հանրությունից թաքցվել տարիներ շարունակ, այն ժամանակ, երբ դա իրոք ակտուալ ու կարևոր էր: Ինչո՞ւ, երբ ես դրա մասին գրում էի, բուն մասնակիցներից ոչ մեկը չէր հաստատում իմ ասածը՝ նախընտրելով լուռ մնալ:
Քոչարյանը քաղաքական դիակ է վաղուց: Ինչպես կասեին իր «ընկերները»՝ сбитый летчик: Նայե՛ք նրա երկրորդ փոդքաստի դիտումների քանակը, կտեսնեք, որ կարծես մենակ տնեցիքին ա հետաքրքիր եղել: Իր այս ջղաձգումները Ֆարմանյանի, Հակոբյան Միհրանի և այլոց հասցեին զուտ խորտակվողի վերջին ճիգերն են ասպարեզը թողնելուց առաջ ևս մի քանի բուռ ցեխ շպրտել ինչ-որ մեկի վրա: Սեդրակիչը հասկանում է, որ անցողիկ շեմը չի հաղթահարելու, էս թատրոնը խաղալու համար էլ փող չի կարենալու քերել, իրեն մնացել է մի քանի քրեական գործ կարճելու դիմաց վերջին ծառայությունը մատուցել Փաշինյանին ու փոշիացնել ընդդիմադիր մի 3-4% քվե, որից հետո անցնելու է անփառունակ թոշակի:
Սրանց արձագանքելն իմաստ չունի: Էս գաղջի մեջ նույնիսկ վրեքը կայֆավատ լինելն էլ ժպիտ չի պարգևում, ուր մնաց իրերն իրենց անունով կոչելը կամ հերթական անգամ ստի վրա բռնելը:
Հ.Գ. Ի դեպ, հետաքրքիր փաստ է՝ Փաշինյանի ու Քոչարյանի ֆեյքերը իմ ստատուսների տակ լրիվ իդենտիկ քոմենթներ են թողնում: Երբեմն բառ առ բառ իրար կրկնում են»: