Երեքշաբթի, 31 մարտի, 2026 թ.
|
Ստեփանակերտում`   +10 °C

«Որտե՞ղ է որոշվելու Հայաստանի ճակատագիրը»․ Վահե Հովհաննիսյան

«Որտե՞ղ է որոշվելու Հայաստանի ճակատագիրը»․ Վահե Հովհաննիսյան
92
Այսօր, 10:18

«Այընտրանքային նախագծեր» խմբի անդամ Վահե Հովհաննիսյանի ֆեյսբուքյան գրառումը․ «Որտե՞ղ է որոշվելու Հայաստանի ճակատագիրը
Շատ հեշտ է որևէ հեռավոր որևէ երկրի մայրաքաղաքից (կլինի Մոսկվա, Վաշինգտոն, Բրյուսել, թե ցանկացած այլ ոչ հայաստանյան քաղաք) ասել, թե հունիսի 7-ի ընտրությունները որոշելու են Կովկասի ճակատագիրը, այս կամ այն գերտերության ազդեցության չափը և այլն։ Սա ծայրահեղ վտանգավոր մոտեցում է, որին առաջատար ուժերը պետք է կոշտ արձագանքեն։ Չի կարելի Հայաստանը դարձնել օտար խաղերի փորձաքար, այսօրվա վտանգավոր իրավիճակում մեզ վերածել աշխարհաքաղաքական խաղալիքի։
Հունիսի 7-ի ընտրությունները բացառապես ներհայաստանյան ընտրություններ են։ Այդ ընտրությունների արդյունքում մենք պետք է վերականգնենք մեր երկրի ներքին խախտված հավասարակշռությունը, պիտի հասնենք բանականության վերադարձին պետական համակարգ, պիտի ներքին համերաշխության և համակեցության նոր կանոններ ստեղծենք, պիտի հասնենք երաշխավորված խաղաղության և երկիրը տանենք զարգացման ճանապարհով։ Սրանք են այս ընտրությունների նպատակները։
Հայաստանը ճակատագիրը չի որոշվում ո՛չ Մոսկվայում, ո՛չ Վաշինգտոնում, ո՛չ Բրյուսելում, ոչ էլ որևէ այլ տեղ։ Եթե շատ ենք ուզում մայրաքաղաքային հստակություն, ապա Հայաստանը ճակատագիրը որոշվելու է կա՛մ Երևանում, կա՛մ Բաքվում։ Եվ հունիսի 7-ի ընտրությունները հենց դրա մասին են»։