«Նիկոլ Փաշինյանը բոլորին լցնելու է բանտերը՝ վերարտադրությունն ապահովելու համար»․ Նարեկ Պարոնյան

«Նիկոլ Փաշինյանը սենսացիոն և անընդունելի պահվածքով ընդամենը փորձում է մնալ տեղեկատվական մենսթրիմում, որովհետև հստակ հասկանում է, որ արդեն քաղաքականապես առաջարկելու բան չունի, անցել է բացահայտ սպառնալիքի և շանտաժի, պատերազմով է նույնիսկ սպառնում»,- Երևանի քննչականի դիմաց լրագրողների հետ զրույցում ասաց «Միասնության թևեր» քաղաքական նախաձեռնության անդամ Նարեկ Պարոնյանը՝ անդրադառնալով դպրոցական եղբայրների ձերբակալմանը։ «Փաշինյանն արդեն մեծ հաշվով գնում է վա-բանկ, որովհետև ինքը հասկանում է, որ եթե հունիսի 7-ին նա չկարողանա վերընտրվել՝ պատասխան է տալու իր բոլոր արարքների համար և կանգնելու է արդարադատության առաջ։ Դրա համար ցանկացած մեթոդների դիմելու է, կապ չունի 18 տարեկաններ են, անչափահաս երեխաներ են, արցախցի մեր հայրենակցուհին է»,- նշեց Պարոնյանը և հավելեց․ «Սա մի կողմից մեր հասարակության համար պետք է ազդակ և ցուցիչ լինի, թե այս մարդիկ ինչերի են ընդունակ, այս մարդիկ անելու են ամեն ինչ՝ բոլոր անմեղ, մեղավոր, կապ ունեցող, չունեցող մարդկանց լցնելու են բանտերը՝ իրենց սեփական վերարտադրությունն ապահովելու համար»: