«Ոչ մի թշնամի զինվոր ողջ չի մնա ցամաքային գործողությունների ժամանակ»․ Ամիր Հաթամի

Իրանի բանակի գլխավոր հրամանատար Ամիր Հաթամին հանդես է եկել կոշտ նախազգուշացմամբ՝ թշնամու ոչ մի զինվոր չպետք է ողջ մնա ցամաքային գործողությունների ժամանակ: Այս մասին հայտնում է Mehr-ը:

Օպերատիվ շտաբներին վերջերս ուղղված հրահանգում Հաթամին շեշտել է «թշնամու» ցանկացած հնարավոր ցամաքային գործողությունների դեմ զգոնության բարձրացման անհրաժեշտությունը: Նա նշել է, որ «հակառակորդի բոլոր տեղաշարժերը պետք է վերահսկվեն առավելագույն ճշգրտությամբ, իսկ անհրաժեշտության դեպքում պետք է անհապաղ հակազդման միջոցներ իրականացվեն»:

«Պատերազմի ստվերը պետք է վերացվի մեր ազգից, և անվտանգությունը պետք է տիրի բոլորի համար։ Անընդունելի է, որ որոշ տարածքներ անվտանգ լինեն, մինչդեռ մեր ժողովուրդն ապրում է անապահովության մեջ», - ասել է Հաթամին։