ԻՀՊԿ-ն հայտնել է Բահրեյնի, Քուվեյթի, ԱՄԷ-ի և Հայֆայի օբյեկտներին հարվածելու մասին

Իրանի Իսլամական հեղափոխության պահապանների կորպուսը (ԻՀՊԿ) զգուշացրել է, որ Իրանի քաղաքացիական ենթակառուցվածքների վրա Միացյալ Նահանգների և Իսրայելի ցանկացած հետագա հարձակում կհանգեցնի թշնամական օբյեկտներին ուղղված էլ ավելի հզոր պատասխան հարվածների, հաղորդում է Press TV-ն:

ԻՀՊԿ հասարակայնության հետ կապերի բաժինը կիրակի առավոտյան տարածած հայտարարության մեջ հայտնել է, որ ԻՀՊԿ ռազմածովային և օդատիեզերական ուժերը «հրդեհել են» թշնամական օբյեկտները ԱՄԷ-ում, Բահրեյնում և Քուվեյթում՝ «Ճշմարիտ խոստում - 4» գործողության 96-րդ ալիքի շրջանակում:

Ըստ ԻՀՊԿ հայտարարության, պատասխան հարվածները հասցվել են ի պատասխան Քարաջի B1 կամրջի և Մահշարի նավթաքիմիական գործարանների վրա հակառակորդների դաժան հարձակումների: Ի հավելումն այս առավոտ կոնկրետ ռազմական թիրախներին հասցված հարվածների՝ ԻՀՊԿ-ն հայտարարել է, որ կհետևեն ավելի ինտենսիվ հարձակումներ: