«Կոյուղաջրերը տարածվել են փողոցներով՝ լցվելով շենքերի նկուղները»․ Արմեն Քոչարյան

Երևանի ավագանու «Մայր Հայաստան» խմբակցության անդամ Արմեն Քոչարյանի ֆեյսբուքյան գրառումը՝ կից տեսանյութով․ «Կրկին գարշահոտություն և հակասանիտարական վիճակ Երևանի փողոցներում։
Բնակիչներն ահազանգում են, որ շուրջ 15 օր է Փափազյան–Ավետիսյան խաչմերուկի կոյուղատար համակարգը խափանված է, որի պատճառով կոյուղաջրերը տարածվել են փողոցներով՝ լցվելով նաև հարակից շենքերի նկուղներ։
Սիրելի քաղաքացիներ, Երևան քաղաքի 2026 թվականի բյուջեով «Ջրահեռացման կոմունիկացիոն ցանցերի կառուցում» ծրագրով նախատեսվել է շուրջ 327 միլիոն դրամ։ Ծրագրով նախատեսվում է Երևանի վարչական շրջաններում իրականացնել կոյուղագծերի ընթացիկ վերանորոգման աշխատանքներ, ինչպես նաև ապահովել վթարված կոյուղագծերի վերականգնման աշխատանքների արագ արձագանքում»։