Երկուշաբթի, 13 ապրիլի, 2026 թ.
|
Ստեփանակերտում`   +5 °C

«Արտեմիս 2» առաքելության անձնակազմը դեպի Լուսնի հակառակ կողմը թռիքից հետո վերադառնում է Երկիր

«Արտեմիս 2» առաքելության անձնակազմը դեպի Լուսնի հակառակ կողմը թռիքից հետո վերադառնում է Երկիր
249
Երեքշաբթի, 07 ապրիլի, 2026 թ., 19:12

ՆԱՍԱ-ի «Արտեմիս 2» առաքելության անձնակազմի 4 տիեզերագնացները վերադառնում են տուն՝ դեպի Լուսնի հակառակ կողմը 7-ժամյա թռիչք իրականացնելուց հետո, որի ընթացքում նրանք Երկրից ռեկորդային հեռավորության վրա են գտնվել։ Այս մասին գրում է BBC-ն։

Ինչպես ակնկալվում էր, անձնակազմը գիշերը Լուսնի հակառակ կողմով է անցել և այդ ընթացքում 40 րոպեով կորցրել է կապը Երկրի հետ։

Կարճ ժամանակ անց տիեզերանավը մի քանի հազար կիլոմետրով մոտեցել է Լուսնի մակերևույթին, և անձնակազմը ականատես է եղել արևի լրիվ խավարման։

Նախորդ օրը «Արտեմիս 2» տիեզերագնացները գերազանցել են Երկրից հեռավորության ռեկորդը, որը գրանցվել էր 1970 թվականին «Ապոլոն 13» առաքելության կողմից՝ 400,171 կիլոմետր (248,655 մղոն)։

ՆԱՍԱ-ն հայտարարել է որ «Արտեմիս 2»-ը հասել է Երկրից 406,771 կիլոմետր հեռավորության։