«Գելափին» հիասթափություն է սպասվում ընտրություններից հետո»․ Դավիթ Խուդաթյան

«Գելափին» հիասթափություն է սպասվում ընտրություններից հետո»,- այս մասին այսօր՝ ապրիլի 7-ին, լրագրողների հետ զրույցում ասաց տարածքային կառավարման եւ ենթակառուցվածքների նախարար Դավիթ Խուդաթյանը՝ անդրադառնալով հարցին, թե ինչպե՞ս է ՔՊ–ն իշխանության ձգտում, երբ ըստ հարցումների՝ կարող է ընդամենը 24 տոկոս ձայն հավաքել։

«Բազմաթիվ հարցումներ կան, որ որոնցով պարզվում է՝ քաղաքական ուժերը պիտի 500% ձայն տանեն, որ այդ հարցումների շեմերի մեջ տեղավորվեն, որովհետև հարցում կա, որտեղ մեկ այլ քաղաքական ուժ ասում է, որ ինքը 50% կտանի, մեկ այլ քաղաքական ուժ ասում է, որ ինքը 70% կտանի և կկարողանա Սահմանադրություն փոխել փողոցում, Հայաստանի Հանրապետության քաղաքներում, գյուղերում, այլ իրավիճակ է, խորհուրդ կտամ էդ մարդկանց չկտրվել Հայաստանում տիրող իրավիճակից»,- ընդգծեց Խուդաթյանը։