«Այսպես կոչված ընդդիմադիրների դաշտում ամբողջ օրն իրար են հոշոտում». Արթուր Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Նայեք, այսպես կոչված, ընդդիմադիրների դաշտին։
Ամբողջ օրը իրար են հոշոտում։ Միայն իրար։ Չթվարկեմ՝ ով ում է կտցահարում։ Կրկնում են Նիկոլի թեզերը, բայց քլնգում են իրար։
Վաղը նորից մի քանի «շուն-շանգյալափայ» ԱԺ տեղերի համար վազելով կգնան ԱԺ ու հինգ տարի կխայտառակվեն, ծեծ կուտեն, կյանքում Նիկոլին իմպիչմենտ չեն անի, ոնց չարեցին Սրբազան շարժման գագաթնակետին՝ փրկելով Նիկոլին։ Ականջները կախ կլսեն, ոնց են Նիկոլի խունվեյբինները ոտք սրբում իրենց վրա ու շնորհակալություն կասեն, քանի որ պետական պատվերներ ունեն, տենդերներ են «շահում-ստանում», բիզնեսներ են ծաղկեցնում։
Իսկ այն մյուս ինքնասիրահարված պինգվինների շարքը, թե իբր նոր անաղարտ ուժեր են, թող գոնե բացի այդ թիվ մեկերից, մեկ այլ կուսակցական անդամ գոնե ցույց տան, նոր հավակնեն երկրի կառավարմանը։
Նկատեք, որ հազարավոր առկա սոցիալական, քաղաքային, հանրային, սահմանադրական խնդիրները չեն արծարծվում փողոցային պայքարի, քաղաքացիական ակտիվիզմի միջոցով։ Ցանկության դեպքում հիմա երկիրը կեռար։ 75 տոկոս ժողովուրդը չի քվեարկելու դրանցից ոչ մեկին։ Այդ թվում՝ ես։
Իսկ սա նշանակում է մի բան։
Նիկոլ Փաշինյանը հաղթելու է»։