«Եվ դո՞ւ, Ռաֆո՛»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Եվ դո՞ւ, Ռաֆո՛»։ Երբ տեսա համազգային վերտուոզ, բազմաժանր դերասան Բոլիվուդյան օսկարակիր, Կաննի կինոփառատոնի մինչև 6+ «խուլուհամր ֆիլմի և սև-սպիտակ ժապավենի» եզակի դափնեկիր, ԱՄՆ-ը կինոակադեմիայի թղթակից անդամ և Գրիգոր Նարեկացի հուշամեդալակիր Ռաֆայել Երանոսյանին՝ ՔՊ-ական միատարր բուկլետը ձեռքին ծածանելիս, հասկացա, որ այս երկրում ամեն ինչ կորսված չէ։ Նա «իրական հայրենասեր» է։
Հետաքննության արդյունքում պարզվեց, որ կենսուրախ Ռաֆոն Թուրքիային սահմանամերձ դժգույն Լենուղի գյուղից է և մտավախություն ունի, որ այն կվերածվի Նեղուղու կամ պարզապես կնվիրաբերվի։ Իսկ միգուցե հենց Լենուղուց պետք է բացվի սահմանները և այն վերածվի Մայրուղու։ Սա է ողջ ինտրինգը, թե չէ Ռաֆոն ուր, քաղաքականությունն ուր, նա պատրաստ է բոլորին լսել և բոլորի համար խաղալ։
Հ.Գ. Ռաֆո՛, Սյունիքը մերժեց Նիկոլին, Երևանը այնքան է մերժել, որ նոկդաունի տակ թվիստ են պարում շրջմոլիկներով, իսկ դու էս նեղ պահին Լենուղու մասին ես մտածում։ «Դու, լայն օրերի ուրախացող կեղծ ընկեր»։