«Նախարարի սրտիկներով իջեցրեք ձեր ջերմությունը, մինչև դեղերը հասանելի լինեն, իսկ ընդդիմությունը թող «վառվի»»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․ «Հայաստանյան դեղատներում արդեն տևական ժամանակ բացակայում են խիստ անհրաժեշտ դեղեր՝ օրինակ՝ Պիրացետամ, Ամարիլ 4 մգ, Կորդարոն 200 մգ, Կո-Վամլոսետ 10/160/25, Միդոկալմ 150 մգ հաբեր, Անալգին և այլ դեղամիջոցներ։
Պատասխանատուները՝ ի դեմս նախարարի, կարծես այնքան խառն են ու զբաղված, որ ժամանակ չունեն մարդկանց նույնիսկ հասարակ անալգինով ապահովելու։
Սիրելի՛ «հպարտ քաղաքացիներ», ջերմություններդ իջեցրեք նախարարի սրտիկներով՝ մինչև դեղերը հասանելի լինեն, իսկ ընդդիմությունը թող «վառվի»»։