«Արել են ամեն ինչ, որ նույնիսկ իմ կապերով պատերազմը կանգնեցնելու հնարավորություն չունենամ». Ռոբերտ Քոչարյան

Չարենցվանում «Հայաստան» դաշինքի՝ քաղաքացիների հետ հանդիպման ժամանակ դաշինքի ղեկավար Ռոբերտ Քոչարյանին հարց ուղղվեց, թե ինչո՞ւ ինքը 2020 թվականին պատերազմը չի կանգնեցրել:

Նա պատասխանել է. «Այդ ժամանակ պաշտոն չունեի: Փորձեցինք Ղարաբաղում ինչ-որ բան անել, բայց ամեն ինչ արեցին, որ հնարավորություն չունենանք որևէ կերպ ազդելու պրոցեսի վրա: Նույնիսկ մի պահ մտածեցի, որ պետք է Մոսկվա թռչել և փորձել գործընկերներին համոզել, որ հնարավորինս արագ պատերազմը կանգնեցվի: Բայց քովիդի ժամանակ էր և առանց թեստերի հնարավոր չէր ինքնաթիռ նստել: Լրիվ առողջ էի, հանձնել եմ թեստը, բայց ստացել եմ պատասխան, որ ես ունեմ քովիդ»,- հայտարարել է Քոչարյանը՝ ընդգծելով, որ դրանից հետո ինքը մի քանի անգամ թեստեր է արել, որոնք բոլորն էլ բացասական են ցույց տվել: «Նույնիսկ այդ ճանապարհով արել են ամեն ինչ, որ նույնիսկ իմ կապերով պատերզմը կանգնեցնելու հնարավորթյուն չունենամ»,- հավելել է Քոչարյանը: