«Ես ձեր բոլոր կրակող ձեռքերը կտրել եմ և մինչև վերջ կտրելու եմ, իմացե՛ք»․ Նիկոլ Փաշինյան

«Ակտիվացել է ԲՀԿ ղեկավարը, իրենից մեծ-մեծ բաներ է խոսում, անվտանգությունից է խոսում, սահմանից է խոսում»,-Վանաձորում հրավիրված հանրահավաքի ժամանակ իր ելույթում նշեց վարչապետ Նիկոլ Փաշինյանը։

«Ես հստակ ուզում եմ ասել․ դուք՝ պատերազմի եռագլուխ կուսակցության ընտանիքներդ, սահմանին մի կրակոց չեք արել, բայց տասնյակ կրակոցներ եք արել Աբովյանում, Առինջում, Երևանում, հանրապետության տարբեր բնակավայրերում։ Եվ հիմա քո ընտանիքի անդամը փախած է, որովհետև ինքը պիտի դատվի Հայաստանում կրակելու համար։ Ես ձեր բոլոր կրակող ձեռքերը կտրել եմ և մինչև վերջ կտրելու եմ, իմացեք»,-ընդգծեց Փաշինյանը։