«Սրանք շատ նենգ են, կորցնելու բան ունեն՝ իրենց աթոռները, թալանը, վախի մթնոլորտ են ստեղծում»․ Սամվել Կարապետյան

«Ուժեղ Հայաստան» դաշինքի առաջնորդ Սամվել Կարապետյանն այսօր հանդիպել է «Ուժեղ Հայաստան» դաշինքի մաս կազմող «Նոր դարաշրջան» կուսակցության անդամների հետ։

«Մենք ազգովի պետք է վռնդենք սրանց իշխանությունից, հետո միասին կառուցենք ուժեղ Հայաստան,- հանդիպման ժամանակ նշել է Կարապետյանը,- մենք պետք է շուտ ջնջենք մեր իրականությունից այս 8 տարին, որը մենք ունեցել ենք։ Դրանք մեր ազգի խայտառակության տարիներն էին։ Ինչքան շուտ մոռանանք, այնքան շուտ կունենանք պայծառ ապագա։ Բայց ուզում եմ զգուշացնել՝ սրանք շատ նենգ են, շատ համառ են, սրանք կորցնելու բան ունեն, իրենց աթոռները, իրենց թալանը․․․ Վախի մթնոլորտ են ստեղծել երկրում, բոլոր գործարարները վախեցած են։ Ես չեմ հասկանում՝ ինչի՞ց են վախեցած։ Բոլորի վրա հարյուրավոր քրեական գործեր են հարուցել, բոլորի ընտանիքները հետապնդվում են, էլ դուք ի՞նչ ունեք կորցնելու, բացի ձեր շղթաներից։ Բոլորին մենք պետք է արթնացնենք, մենք հիմա հայրենասեր մարդկանց կարիք ունենք»։