«Բոլորդ մի կալոդի նույն քարտերն եք». Արարատ Միրզոյանը` ընդդիմադիրներին

Նախընտրական բանավեճի ժամանակ ՔՊ-ի ներկայացուցիչ, ԱԳ նախարար Արարատ Միրզոյանը հեգնեց՝ դիմելով «Ուժեղ Հայաստան»-ի ներկայացուցչին. «Պարոն Վարդևանյան, դուք 2017-ին եղել եք Սերժի նախընտրական ցուցակում, 2021-ին՝ Քոչարյանի, 2026-ին՝ Սամվել Կարապետյանի, չէ, իրականում Նարեկ Կարապետյանի «Ուժեղ Հայաստան»-ի, ըտենց էլի մարդիկ կլնեն: Չի՞ ապացուցում արդյոք սա, որ դուք բոլորդ, ստեղ հավաքվածներից շատերդ մի կալոդի նույն քարտերն եք, որի բաժանողը ամեն ընտրության տարբեր ձև բաժանում ա: Ղեկավարվում եք նույն կենտրոնից նույն մետոդիչկայով»:
Արամ Վարդևանյանն արձագանքեց. «Իրականում ամենամեծ ցավը գիտեք որն է, որ դուք իմ կենսագրության նշված տվյալները ներկայացնելով՝ չեք խոսում ձեր իսկ կենսագրության մաիսն: Իսկ ձեր կենսագրությունը շատ ավելի հետաքրքիր է: Ձեր մետոդիչկաներն Ադրբեջանի և Թուրքայի մետոդիչկաներն են: Ի վերջո, եթե մի օր տեսնեք ինձ Էրդողանի գիրքը գրկած մեծ ժպիտով, վստահ եմ՝ ձեզ մոտ բացասական էմոցիաներ կառաջանան: Դուք, ի վերջո, պատմաբան եք, Ցեղասպանության ճանաչման ջատագով: Ի վերջո, ձեր անունը բիբլիական Արարատի անունն է, էն սարի, որից հրաժարվում եք. և դուք ինձ ասում եք մետոդիչկաների՞ մասին»: