Գյումրեցի 18-ամյա լրագրողին ԱԱԾ–ն ձերբակալել է․ ընտանիքի անդամները շոկի մեջ են

ԱԱԾ աշխատակիցներն այսօր առավոտյան Գյումրիում մուտք են գործել 18-ամյա լրագրող Արամ Դավթյանի բնակարան և բերման ենթարկել նրան։ Այս մասին հայտնում է «Նյուզ»-ը և հավելում, որ Արամ Դավթյանի հայրը՝ Ստեփան Դավթյանը անհեթեթ է համարել որդուն վերագրվող արարքը, այն է՝ ընտրակաշառք տալ–ստանալը։

«Առավոտյան տանը քնած էր երեխան, երկու հոգի եկան, ներկայացան՝ որպես ԱԱԾ աշխատող, ձերբակալման որոշումը ներկայացրին՝ իբր ընտրակաշառք տալու, ստանալու հոդվածով։ Հիմա տարել են Երևանի Հակակոռուպցիոն կոմիտե։ Շոկի մեջ ենք, ինքը որպես լրագրող էր աշխատում, ինքը նման բաների հետ կապ չունի։ Ինձ էլ ասաց՝ նման բան չկա»,- լրատվամիջոցի հետ զրույցում պատմել է Արամի հայրը։