«Մանդատներից հրաժարվելը զուտ պատասխանատվությունից փախուստ է»․ Արսեն Թավադյան

ԵՊՀ իրավաբանական գիտությունների դոցենտ Արսեն Թավադյանի ֆեյսբուքյան գրառումը․ «Այս պայմաններում, մանդատներից հրաժարվելը զուտ պատասխանատվությունից փախուստ է: Վստահ եմ, մանդատներից հրաժարվելու դեպքում ընդդիմադիր պատգամավորների մեծամասնությունը ֆեյսբուքյան ստատուս գրելուց բացի ոչինչ չի անի:
Այո, ստացել եք ավելի քիչ ձայն, քան իշխանությունը: Բայց, հարգելի ընդդիմություն, առկա ընտրական համակարգի պայմաններում դուք ստացել եք լուրջ քվե: Այդ քվեն ստացել եք ոչ թե ձեր աշխատանքի, գաղափարների, ծրագրերի շնորհիվ, այլ նրա պատճառով, որ բնակչության մեծամասնությունը չի ընդունում ներկա իշխանությանը: Ձեզ քվեարկածների մեծ տոկոսն էլ քվեարկել է «վատ, ավելի վատ» սկզբունքով:
Ավելին, դուք ստացել եք այս բարձր ձայները ի հեճուկս ձեր իրականացրած ընտրապայքարի, որը շատ թույլ էր և հաճախ փաստացի ՔՊ-ի օգտին:
Այժմ իրավական տեսակետից՝
1. Առկա չէ սահմանադրական որևէ նորմ, որից կարելի է բխեցնել, որ մանդատներ չվերցնելու դեպքում կլինեն նոր ընտրություններ,
2. Առկա չէ սահմանադրական որևէ նորմ, որից կարելի է բխեցնել, որ մանդատներ չվերցնելու դեպքում ՔՊ-ն չի կարողանա միանձնյա որոշումներ կայացնել:
Հակառակը, ՀՀ սահմանադրությունը ՔՊ-ն կարող է մեկնաբանել այնպես, որ առնվազն սահմանադրական մեծամասնություն ստանա: Այդ մեկնաբանությունը, բնականաբար, չեմ բարձրաձայնի:
Այնպես որ, հարգելի ընդդիմություն, դուք ստացել եք պայքարի լավ հարթակ: Եթե մտել եք քաղաքականության մեջ՝ պայքարեք մինչև վերջ: Թե ուզում էիք մի քանի reel և AI հոլովակներ պատրաստելով իշխանություն ստանալ»։