«Զեկուցող դատավոր է նշանակվել Էդգար Շաթիրյանը, ով ՍԴ դատավորի պաշտոնում առաջադրվել է Նիկոլ Փաշինյանի կառավարության կողմից»․ Էդգար Ղազարյան

Հասարակական-քաղաքական գործիչ Էդգար Ղազարյանի ֆեյսբուքյան գրառումը․ «Սահմանադրական դատարանը ոչ աշխատանքային հանդիսացող կիրակի օրը, հունիսի 21-ին հրավիրել է աշխատակարգային նիստ, որով հունիսի 7-ի ընտրությունների արդյունքների բողոքարկման վերաբերյալ ներկայացված բոլոր յոթ դիմումներն ընդունվել են վարույթ, դրանք միավորել են մեկ վարույթում։
Գործով զեկուցող դատավոր է նշանակվել Էդգար Շաթիրյանը, ով ՍԴ դատավորի պաշտոնում առաջադրվել է Նիկոլ Փաշինյանի գլխավորած կառավարության կողմից, ՍԴ դատավորի պաշտոնում ընտրվել է «Իմ քայլը» խմբակցության կողմից և գործով զեկուցող դատավոր է հանդիսացել նաև 2021 թվականի Ազգային ժողովի ընտրությունների արդյունքները բողոքարկման գործով, որով Սահմանադրական դատարանը Կենտրոնական ընտրական հանձնաժողովի որոշումը թողեց ամփոփոխ։
Սահմանադրական դատարանի պաշտոնական կայքում Էդգար Շաթիրյանը հիշատակվում է նաև որպես Սահմանադրական դատարանի փոխնախագահ, ինչի ընտրության վերաբերյալ բացակայում է Սահմանադրական դատարանի համապատասխան որոշումը։ Հատկանշական է, որ Սահմանադրական դատարանի 2026 թվականի հունիսի 21-ի թիվ ՍԴԱՈ-111 որոշման մեջ Էդգար Շաթիրյանը հիշատակվում է ոչ թե ՍԴ փոխնախագահ, այլ ՍԴ դատավոր»։