«Համեմատվելու եզր անգամ չունենք»․ Էդուարդ Հայրումյան

Ակտիվիստ Էդուարդ Հայրումյանի ֆեյսբուքյան գրառումը՝ կից տեսանյութով․ «Երևանի Պանթեոն 1-ի գերեզմանոցները տեսնելուց, դրանց մասին բարձրաձայնելուց և շաբաթօրյակ կազմակերպելուց հետո, որոշել էի, որ պարտադիր գնամ և ուսումնասիրեմ Եվրոպայի որևէ քաղաքի գերեզմանոց։
Ու հենց այդ մտքով, նախորդ ամիս Գերմանիայի Համբուրգ քաղաքի Օհլսդորֆ այգի-գերեզմանատանն անցկացրեցի գրեթե մի ամբողջ օր։
Խոսացի մարդկանց հետ՝ ուսումնասիրեցի խնամքի կարգը, մաքրությունը, կանաչապատումը, ջրահեռացումը, ջրի մատակարարումը, աղբահանության եղանակները, մարդկանց ու պետության վերաբերմունքը և շատ այլ մանրամասներ։
Ցավոք, որևէ կետով համեմատվելու եզր անգամ չունենք։
Խնդրում եմ, նայե՛ք այս տեսանյութը մինչև վերջ ու հիշեք, որ այս աշնանը ձեր հարազատի գերեզման այցելելուց պոկած ծաղկեփնջի փոխարեն, մի քանի հատ հողով ծաղիկ տարեք և տնկեք։
Իսկ համակարգում պետք է փոխվի ամեն ինչ»։