500 եվրոյի զգեստ՝ 53 հազար դրամ աղքատության շեմ ունեցող երկրում. «Ժողովուրդ»

«Ժողովուրդ» օրաթերթը գրում է. «ՀՀ առողջապահության նախարար Անահիտ Ավանեսյանի հերթական լուսանկարը կրկին քննարկման առիթ է դարձել։ Լուսանկարում երևացող սև զգեստը համընկնում է Max Mara Studio Papaia cady dress մոդելի հետ, որի վաճառքի գինը ներկայացված է 499 եվրո։
Այսինքն՝ միայն մեկ զգեստի արժեքը մոտավորապես 215-220 հազար դրամ է՝ կախված փոխարժեքից։
Համեմատության համար՝ Հայաստանում 2024 թվականի աղքատության միջին շեմը, ըստ Վիճակագրական կոմիտեի, կազմել է ամսական 53,420 դրամ, իսկ աղքատության մակարդակը՝ 21.7%։ Այլ աղբյուրներով՝ ՀՀ-ում 2025-ին շուրջ 560.000 թերսնված մարդ կա։ Ստացվում է՝ մեկ զգեստի արժեքը հավասար է մոտ 4 ամսվա աղքատության շեմին գտնվողների ամսական ծախսին։

Այլ կերպ ասած՝ այն գումարը, որով մեկ պաշտոնյա գնում է մեկ զգեստ, աղքատության շեմին մոտ ապրող քաղաքացին պետք է բաշխի սննդի, դեղի, կոմունալների և կենցաղային նվազագույն կարիքների վրա՝ մի քանի ամիս շարունակ։
Ի դեպ, սա առաջին դեպքը չէ, երբ նախարարի հագուստն ու աքսեսուարները հայտնվում են հանրային ուշադրության կենտրոնում»:

Մանրամասները՝ թերթի համարում: