«Կարևոր է, թե ինչ գաղափարների և ազդեցությունների ներքո է ձևավորվում երիտասարդությունը»․ Բորիս Մուրազի

Լրագրող Բորիս Մուրազին ֆեյսբուքյան իր էջում գրել է. «Պետության անվտանգության տեսանկյունից չափազանց կարևոր է, թե ինչ գաղափարների և ազդեցությունների ներքո է ձևավորվում երիտասարդությունը։ Այսօր Հայաստանի ակտիվ երիտասարդության, հատկապես ուսանողության զգալի հատվածը ներգրավված է տարբեր միջազգային ծրագրերում, որոնք ոչ միայն կրթական հնարավորություններ են տալիս, այլև ձևավորում են կոնկրետ (գլխավորապես ապազգային) արժեքային ու աշխարհայացքային միջավայր։ Տասը տարի անց հենց այս երիտասարդներն են զբաղեցնելու պետական, քաղաքական և հանրային կարևոր դիրքեր։ Տասը տարի հետ էլի բողոքելու եք Սորոսից, Ալիևից ու Էրդողանից։
Այդ պատճառով Հայաստանի խոշոր գործարարներն ու ազգային կապիտալը վաղուց պետք է ներդրումներ կատարեին կրթական ծրագրերի, հիմնադրամների և երիտասարդական նախաձեռնությունների զարգացման մեջ՝ ստեղծելով գաղափարական ու արժեքային այլընտրանքներ։ Չեն կատարում, փոխարենը գալիս են վերևում հիշատակված ճանապարհով դաստիրակություն ստացածները և անում այն ինչ ուզում են, այդ թվում այդ մարդկանց և նրանց կապիտալի հետ, իսկ վերջում էլ պետությունը դնում թուրքական ազդեցության տակ»։