«Սա է նոր Հայաստանի միջին վիճակագրական բնակչի նկարագիրը»․ Կարեն Հեքիմյան

Հասարակական գործիչ Կարեն Հեքիմյանը ֆեյսբուքյան իր էջում գրել է․ «Եթե ցանկանում եք պատկերացնել նոր Հայաստանի միջին վիճակագրական բնակչի նկարագիրը, ապա լսեք այս փոքրիկ պատմությունը:
Ուրեմն, Ծառուկյան Գագիկի ունեզրկման գործողության շրջանակներում, քննիչի մոտ է գալիս «Մուլտի կոնցեռն»-ի կազմում գործող տնտեսվարողներից մեկը և հարց տալիս․ «Ես Ծառուկյանին չեմ ընտրել, ես ՔՊ-ին եմ ընտրել, ինչո՞ւ եք բիզնեսս փակում»: Այսինքն, մարդն իր բիզնեսը փոխկապակցում է քաղաքական ընտրության հետ: Այլ կերպ ասած՝ ՔՊ-ին ընտրելը՝ բիզնեսը շարունակելու համար ինդուլգենցիա է:
Այժմ պատկերացնո՞ւմ եք, թե ովքեր են հանգրվանել, օրինակ՝ «Ղարաբաղը հանձնենք, հանգիստ ապրենք» կարգախոսի ներքո: Պարզ է, չէ՞, նաև ՔՊ-ին տրված ձայների ծագումնաբանությունը:
Սա է նոր Հայաստանի միջին վիճակագրական բնակչի նկարագիրը: Հիշեք այս մասին, երբ խոսում եք վեհ գաղափարների մասին:
ՀԳ. Միջնադարյան կաթոլիկ եկեղեցում մեղքերի թողության հատուկ վկայական էին տալիս: Ի՞նչն է խանգարում նման վկայական տրամադրել նրանց, ովքեր ՔՊ-ին են ընտրել: Պատկերացնո՞ւմ եք որքան կավելանա բիզնեսմենների քանակը Նոր Հայաստանում»: