«Այս իշխանությունները մինչև երբ են շարունակելու խուսափել հակադարձումից»․ Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Բաքուն շարունակում է պահանջել Հայաստանից Սահմանադրության փոփոխություններ, իսկ Հայաստանի արտաքին հարաբերությունները տապալած իշխանությունները շարունակում են խոսել խաղաղության մասին՝ ներկայացնելով այն որպես արդեն իսկ հասունացած գործընթաց:
Դա խոսում է այն մասին, որ գործընթացը շարունակում է կառուցվել ճնշման և պահանջների տրամաբանությամբ:
Հիքմեթ Հաջիևի հերթական հայտարարությունն էլ հենց այդ տրամաբանության շարունակությունն էր։ Ադրբեջանը կրկին հրապարակայնորեն առաջ քաշեց Հայաստանի Սահմանադրության փոփոխության պահանջը, մինչդեռ պաշտոնական Երևանից այդ հայտարարությանը փաստացի որևէ քաղաքական կամ դիվանագիտական արձագանք չհնչեց։
Այս իշխանությունները մինչև երբ են շարունակելու խուսափել ադրբեջանական որևէ պաշտոնյայի, էլ չեմ ասում, Ալիևին հրապարակային հակադարձումից...
Իբրև թե չե՞ն ցանկանում սրել հարաբերությունները կամ հայտնվել նոր ճնշումների ներքո՞...
Լացելու աստիճան ծուծաղելու է, որ «խաղաղության ճարտարապետների» օրակարգ թելադրողը Բաքուն է, իսկ Երևանը հիմնականում արձագանքողի դիրքում է, այն էլ ոչ միշտ»: