«Գրեթե համոզված եմ, որ շուտով նաև արդարացումները կլսեք ու կտեսնեք»․ Արծվիկ Մինասյան

«Գրեթե համոզված եմ, որ հեռանկար չունեցող այս գործում շուտով նաև արդարացումները կլսեք ու կտեսնեք, որովհետև այն, ինչ հրապարակային փորձ է արվում ներկայացնել, իրականության հետ բացարձակ կապ չունի»,- ԱԺ-ում հայտնել է Մրցակցության և սպառողների շահերի պաշտպանության հանձնաժողովի անդամի թեկնածու Արծվիկ Մինասյանը՝ արձագանքելով ՔՊ-ական պատգամավոր Լևոն Լևոնյանի՝ Մինասյանի եղբոր նկատմամբ հարուցված քրեական գործի վերաբերյալ հարցին։

Ավելի վաղ հայտնել էինք, որ նախաձեռնված քրեական վարույթի շրջանակում ձերբակալվել է 4 անձ, այդ թվում՝ ԵՊՀ պատմության ֆակուլտետի հայոց պատմության ամբիոնի վարիչի Էդիկ Մինասյանը։ Վերջինիս նկատմամբ կիրառվել է տնային կալանք։