Հինգշաբթի, 13 օգոստոսի, 2026 թ.
|
Ստեփանակերտում`   +28 °C

«Ադրբեջանի հետ կարող ենք ունենալ գործակցություն, երբեմն՝ արտահանել, երբեմն՝ ներկրել էլեկտրաէներգիա»․ Նիկոլ Փաշինյան

«Ադրբեջանի հետ կարող ենք ունենալ գործակցություն, երբեմն՝ արտահանել, երբեմն՝ ներկրել էլեկտրաէներգիա»․ Նիկոլ Փաշինյան
60
Այսօր, 13:00

«Մեծամորի ատոմակայանի շահագործման ժամկետի ավարտման ժամկետներն արձանագրված են միջազգային պայմանագրերում, որոնք կնքվել են վաղուց, այդ առումով ոչ մի նորություն չկա»․- այս մասին այսօր ճեպազրույցում նշեց վարչապետ Նիկոլ Փաշինյանը։

«Ինչ վերաբերում է էներգետիկ առևտրին, պետք է հաշվի առնել 2 ուղղություն։ Մենք նշել ենք, որ Հայաստանն ունի էլեկտրաէներգիայի ավելցուկ, հիմա պետք է խոսենք այն մասին, որ Հայաստանը կարող է ունենալ էլեկտրաէներգիայի պահանջարկ։ Մեծ տեմպերով զարգանում են ԱԲ գործարանները։ Իսկ դրանք մեր պատկերացումներից անդին ծավալներով էլեկտրաէներգիա են սպառում․․․ Դա ստիպում է, որ մենք մեր էներգետիկ ռազմավարությունները պետք է նորից վերանայենք, որպեսզի այս նոր պայմաններին և ակնկալիքներին համապատասխան կարողություններ ունենանք։ Մեր ռազմավարությունն էներգետիկ 100%-անոց անկախությունն է»,- նշել է Փաշինյանը՝ հավելելով, որ սա չի նշանակում՝ էլեկտրական էներգիայի միջազգային առևտրից դուրս մնալ։

«Երբեմն կարող ենք արտահանել, երբեմն՝ ներկրել, այդ թվում՝ Ադրբեջանի հետ կարող ենք ունենալ գործընկերություն, գործակցություն, այդ թվում՝ էլեկտրաէներգիա արտահանելու և ներմուծելու մասով, ինչպես մյուս բոլոր երկրների հետ՝ Թուրիքայի հետ, ԻԻՀ-ի հետ, Վրաստանի հետ և այդպես շարունակ»,- հավելեց Փաշինյանը։

Կարդացե՛ք նաև