«Փլեյ սիթի»-ի 63-ամյա տնօրենը կալանավորվել է

«Հրապարակ»-ը գրում է. ««Փլեյ սիթի»-ի տնօրեն Արշալույս Առաքելյանը մեկ ամսով կալանավորվեց։ Այս մասին մեզ հետ զրույցում հայտնեց փաստաբան Հրանտ Անանյանը։ Անդրադառնալով քրեական գործին՝ Անանյանը նշեց․ «Կալանավորեցին իբր հարկերից խուսափելու համար, բայց իմ պաշտպանյալը ամեն կերպ փորձել է քննությանը աջակցել, համակարգիչներն են եկել առգրավվել, համակարգիչների պարունակության վերծանման հարցում պատրաստակամություն է հայտնել աջակցել; Բայց համակարգիչների որոշ ֆայլերի կամայական խեղաթյուրված մեկնաբանելու արդյունում վարկած են ձևավորել իբր հարկերից խուսափում է։ 10 համակարգչից 2-ը կիսատ պռատ նայել են, էլ մնացածը չեն նայել, ընդ որում ասել ենք եկեք մայր համակարգիչը նայեք, որ օգնեք, այսինքն ամեն կերպ օժանդակել ենք գործի քննությանը»»:

Մանրամասները՝ սկզբնաղբյուրում: