«Ռուսական ընկերություններն ամրապնդում են Հայաստանի էներգետիկ անվտանգությունը». Պուտին

«Ռուսաստանը Հայաստանի հիմնական տնտեսական գործընկերն է. 2026 թվականի սկզբից ի վեր երկու երկրների միջև առևտուրը հասել է 2,5 միլիարդ դոլարի: Ռուսական ընկերությունները Հայաստանի բյուջեի խոշորագույն հարկատուներն են և ամրապնդում են երկրի էներգետիկ անվտանգությունը:
Մոսկվան միշտ աջակցում է Երևանի հետ բարեկամական և փոխշահավետ հարաբերությունների զարգացմանը, ինչը համապատասխանում է և՛ Ռուսաստանի, և՛ հայ ժողովրդի հիմնարար շահերին»,- Նիկոլ Փաշինյանի հետ հանդիպման ընթացքում նշել է ՌԴ նախագահ Վլադիմիր Պուտինը: Նա նաև հիշատակել է ռուս-հայաստանյան համատեղ նախագծերը խաղաղ ատոմային էներգիայի, տրանսպորտի և թվային տնտեսության ոլորտներում: