Չորեքշաբթի, 30 սեպտեմբերի, 2026 թ.
|
Ստեփանակերտում`   +16 °C

«ԵԽԽՎ զեկույցն արձանագրեց ԱԺ-ում ԲՀԿ-ին պատկանող մանդատների գողությունը»․ Մեսրոպ Եսայան

«ԵԽԽՎ զեկույցն արձանագրեց ԱԺ-ում ԲՀԿ-ին պատկանող մանդատների գողությունը»․ Մեսրոպ Եսայան
48
Այսօր, 10:30

«Տավուշը հանուն հայրենիքի» շարժման մասնակից Մեսրոպ Եսայանը ֆեյսբուքյան իր էջում գրել է․ «ԵԽԽՎ զեկույցը փաստացի արձանագրեց նորընտիր ԱԺ-ում ԲՀԿ-ին պատկանող հինգ մանդատների գողությունը։
ՀՀ ԱԺ վերջին ընտրությունների վերաբերյալ ԵԽԽՎ զեկույցում նշվում է, որ ԿԸՀ-ի այն որոշումը, որով երեք ընտրատեղամասերում քվեարկությունը ճանաչվել է անվավեր՝ բավարար չափով հիմնավորված չէ։
Զեկույցում նաև նշվում է, որ որոշ հաշվարկների համաձայն՝ եթե անվավեր ճանաչված տեղամասերի արդյունքները ներառվեին ընդհանուր հաշվարկում, ԲՀԿ-ն կարող էր հաղթահարել 4%-ի շեմը և ստանալ խորհրդարանական մանդատներ։
Դա իր հերթին կարող էր ազդեցություն ունենալ նաև խորհրդարանում ուժերի հարաբերակցության վրա և թույլ չտալ իշխող կուսակցությանը ստանալ ձայների երեք հինգերորդին համապատասխան մեծամասնություն»։

Աղբյուրը`   Մեսրոպ Եսայան