«Երբ ՀՀ-ում ինձ չընդունեցին ծառայության, որոշեցի զբաղվել քաղաքականությամբ»․ Կանդազ

«Նոր եմ սկսել քաղաքականությամբ հետաքրքրվել, որ Արցախից եկել եմ Հայաստան։ Երբ չընդունեցին ծառայության, որոշեցի զբաղվել քաղաքականությամբ, դա էլ պայքարի մի ձև է։ Ինձ համար հոգեհարազատ կուսակցություն դարձավ «Ուժեղ Հայաստան»-ը»,- դատական նիստի ժամանակ ասել է «Ուժեղ Հայաստան»-ի անդամ, հետախույզ Արթուր Ավանեսյանը՝ Կանդազը։
«Մեր անվտանգության թիմին ներկայացնելու ժամանակ ելույթ եմ ունեցել, որից հետո ինձ ճանաչողները զանգել են․ նրանք կամ բնակարան են ուզում, կամ աշխատանք, կամ հողատարածք, մեր ծրագրի մեջ այդքանը կա, ես ասել եմ, որ մենք անցնենք՝ դրանք սաղ լինելու են։ Ես մեր ծրագիրն եմ ներկայացրել՝ 300 հազար աշխատատեղ ծրագիրը»,- խոսելով իրեն ներկայացված մեղադրանքի մասին, ասել է Ավանեսյանը։
Նա մեղադրվում է ընտրակաշառք տալու (կամ դրա փորձի) մեջ։