«Հայաստանը պետք է տրամադրի անհետ կորած ադրբեջանցիների ճակատագրերի վերաբերյալ ողջ տեղեկատվությունը»․ Ալիև

Հայաստանը պետք է տրամադրի անհետ կորած ադրբեջանցիների ճակատագրերի վերաբերյալ ողջ տեղեկատվությունը։ Արբեջանական լրատվամիջոցների հաղորդմամբ՝ այս մասին ասվում է Ադրբեջանի նախագահ Իլհամ Ալիևի՝ «Անհետ կորած անձանց հարցերով Բաքվի երկխոսություն» համաժողովի մասնակիցներին հղված ուղերձում։ «Հայաստանը պետք է տրամադրի անհետ կորած ադրբեջանցիների ճակատագրերի, զանգվածային և անհատական թաղումների վայրերի վերաբերյալ ողջ տեղեկատվությունը, ինչպես նաև պայմաններ ստեղծի համապատասխան արխիվների բացման և վկաների ցուցմունքների հավաքագրման համար»,- նշվում է ուղերձում։