«2018-ին Փաշինյանն ասում էր՝ թալանը վերադարձնելու է. ի՞նչ արեց». Էդգար Ղազարյան

«2018-ին, երբ Նիկոլ Փաշինյանը գալիս էր իշխանության, ի՞նչ էր խոստանում, ասում էր՝ տարիների ընթացքում մեր պետությունը թալանվել է ու ինքը գալիս է, որպեսզի արդարություն հաստատի, թալանը հետ բերի ու այդ միջոցները վերադարձնի ժողովրդին: Նա խոստացե՞լ է, որ ինքը պետք է թալանի մեր պետությունն ու ժողովրդին: Հիմա էս վարկային միջոցները, որ լրացուցիչ բեռ է, ո՞ւմ համար է. ներկայացվեց՝ արցախահայության, ում ունեցվածքը թալանվել է Փաշինյանի պաշտոնավարման շրջանում»,- հայտարարեց ընդդիմադիր պատգամավոր Էդգար Ղազարյանը:

Քննարկվում է Հայաստանի Հանրապետության և Վերակառուցման և զարգացման միջազգային բանկի միջև «Հայաստանի բնակարանային ապահովման և հիփոթեքային շուկայի զարգացման ծրագիր» ֆինանսական համաձայնագիրը վավերացնելու մասին հարցը: