Radio France International-ին տված հարցազրույցում Նիկոլ Փաշինյանը խոսել է Սամվել Կարապետյանի ու Ռոբերտ Քոչարյանի մասին

«Ես գիտեմ՝ Սամվել Կարապետյանի հետ կապված, օրինակ, քրգործ կա նաև Ֆրանսիայում։ Նշանակո՞ւմ է դա արդյոք, որ Ֆրանսիայի կառավարությունը նրան քաղաքական հետապնդումների է ենթարկում։ Մեր գործընկերները տեղյա՞կ են արդյոք այդ իրավիճակների մասին, թե՞ ոչ»,- Radio France International-ին տված հարցազրույցի ժամանակ ասել է ՀՀ վարչապետ Նիկոլ Փաշինյանն ու խոսել նաև Ռոբերտ Քոչարյանի մասին․ «Քոչարյանի հետ կապված վաղուցվանից կա քրգործ, այդ թվում Մարտի 1-ի գործով դատական պրոցես է ընթանում։ Նա ամբողջ կյանքում եղել է պաշտոնյա, 10 տարի՝ ՀՀ նախագահ, ու արդյունքում ունի մի քանի հարյուր միլիոն դոլարի սեփականություն․ ինչպե՞ս կարող էր դա տեղի ունենալ։ Արդեն 8 տարի ես ՀՀ վարչապետն եմ, ինչո՞ւ միլիոնատեր չեմ»։