«Կարևոր է հասկանալ իրավիճակի տարածաշրջանային և աշխարհաքաղաքական ենթատեքստը»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը՝ կից տեսանյութով․ «Ստամբուլում՝ Ադրբեջանի հյուպատոսության մոտ տեղի են ունենում բողոքի ակցիաներ։ Բնականաբար հիմնականում իսլամամետ ուժեր ու անհատներ են, ովքեր դատապարտում են Ալիևի ռեժիմի որոշման դեմ՝ դպրոցներում գլխաշոր (հիջաբ) կրելու արգելքի մասին և Իսրայելի հետ հարաբերությունների դեմ։
Իհարկե, հասկանալի է, որ այս լարվածությունն առանց իշխանական շրջանակների առնվազն լուռ թողտվության (իսկ իրականում Արդարություն և զարգացում կուսակցության մի շարք անդամներ ու պատգամավորներ են արդեն խոսել Ադրբեջանի ընդունած այս որոշումների դեմ) ուղղակի չէր հասնի այսպիսի մակարդակի։ Բայց մեզ համար առավել քան կարևոր է հասկանալ իրավիճակի տարածաշրջանային և աշխարհաքաղաքական ենթատեքստը։
Ցավոք սրտի, հայկական սեգմենտում վերլուծություններն հատկապես այս թեմայով բավականին թույլ են։ Ես կարծում եմ, պատճառներից մեկը ոչ արդյունավետ մեթոդաբանության կիրառումն է։ Հատկապես նման՝ նուրբ քաղաքական և աշխարհաքաղաքական հարցերում, որտեղ ցանկացած վերլուծություն անելուց առաջ պետք է նախ վերցնել տեսական ու մեթոդաբանական առանցքը, մեզանում դիտարկվում է սովորական պատմաբանի դիտանկյունից, որը համեմվում է պատմության անալոգիայով և դրա վրա հիմնված «կանխատեսմամբ», որը ավելի նմանվում էր սեփական ցանկության մատուցման կամ պարզապես քարոզչության։
Նեղ քաղաքական, քաղաքագիտական երևույթները չի կարելի դիտարկել այլ կերպ, քան քաղաքագիտական մեթոդաբանության միջոցով, ինչը, ցավոք, անում են Հայաստանում (և ո՛չ միայն) շատերը»։