«Քիչ է մնում՝ նոր տոմարն սկսեն 2018 թվականից․ խայտառակ եք անում ամբողջ «ռեսպուբլիկան»»․ Լարիսա Ալավերդյան

«ՀՀ կառավարություն, ամոթ քեզ, ամոթ քո ստերի, մարդկանց իրավունքների ոտնահարման, գռեհիկության և հերյուրանք տարածելու համար։ Ի՞նչ է, կլիմայի համար պայքարը ենթադրում է գռեհիկ, կեղծ ստերով սկսած և շարունակվող հակաքրիստոնեական արշա՞վ, ընդդիմադիր խոսք ասողների, ֆեյսբուքում գրառում անողների ձերբակալո՞ւմ։ Այն ինչ տեղի է ունենում ՀՀ-ում աննախադեպ է»,- կառավարության դիմաց ակցիայի ժամանակ իր խոսքում ասել է Մարդու իրավունքների նախկին պաշտպան Լարիսա Ալավերդյանը։
«Ամաչեք ինքներդ ձեր երեխաների մոտ, դուք եք քանդում, դուք եք ավերում մեր ապագան։ Բայց պարզվում է, որ ապագան դա հեռու չէ, այն է ինչ որ այսօր կա, նաև պարզվում է, որ պատմությունը ոչ թե անցյալի մասին է, այլ ներկայի, քիչ է մնում, որ նոր տոմարն սկսեն 2018թ-ից։ Ամոթ ձեզ, անգրագիտության մարմնավորում եք դուք ձեր թիմով և դրանով խայտառակ եք անում, ինչպես ասում են՝ ամբողջ «ռեսպուբլիկան»»,- դիմելով կառավարության անդամներին՝ նշել է նախկին ՄԻՊ-ը։