«Եթե գերիներին ուղղված նամակներ կան, ինչո՞ւ փոստով չեն ուղարկում, ինչքանո՞վ է տրամաբանական մեզ տալը»․ Նիկոլ Փաշինյան

«Չգիտեմ՝ ինչ որոշում է կայացվել, սակայն ճիշտն ասած տարօրինակ է՝ եթե նամակ կա, ինչո՞ւ փոստով չեն ուղարկում։ Դրա համար կան փոստային ծառայություններ, որ կարող են դա անել»,- այս մասին ճեպազրույցում նշեց վարչապետ Նիկոլ Փաշինյանը՝ անդրադառնալով դիտարկմանը, որ Բաքվում պահվող հայերին հասցեագրված 1254 նամակ է փոխանցվել Կառավարությանը։

«Ինչի՞ համար միջնորդ հանդիսանանք։ Ես, չգիտեմ, մենք քննարկել ու ինչ–որ եզրակացության եկել ենք, թե չէ, սակայն այդտեղ նրբություններ կան. այսինքն, հազար նամակ տալ կառավարությանը, ասել՝ այս նամակները տարեք, ինչքանո՞վ է դա տրամաբանական։ Ենթադրում եմ, որ այն մարմինը, որին դիմել են, կքննարկի ու կպատասխանի»,– նշեց Փաշինյանը՝ հավելելով, որ երբեմն տպավորություն է, որ այդ գործողություններն արվում են ոչ թե խնդիր լուծելու, այլ ինչ–որ բան սադրելու համար։

«Այդ հարցերում մեր զգուշությունն ավելի է մեծանում, քանի որ արդյունքում մենք կարող ենք այնտեղ գտնվող մարդկանց վնաս տանք»,-ը ընդգծեց նա։