«Ես նախագահ Ալիևին ասել եմ՝ ձեր հայտարարությունները ՀՀ-ում շատ զգայուն են ընդունվում»․ Ալեն Սիմոնյան

«ԱԺ ամբիոնից և լրատվամիջոցներում մենք ոչ պակաս վատ արտահայտություններ ենք անում, բայց դա չենք նկատում, որովհետև 30 տարի ի վեր ամենալավ ու ամենասուր խոսքը եղել է հարևան երկրի ազգությանը վիրավորելը»,- ճեպազրույցի ժամանակ անդրադառնալով Իլհամ Ալիևի՝ ՀՀ հասցեին հնչեցրած վերջին հայտարարություններին, ասել է ԱԽ քարտուղար Ալեն Սիմոնյանը։
«Ալիևը խոսում է նաև անդառնալի խաղաղության մասին, բայց երբ ինքը գնահատական է տալիս այն 30 տարվան, որն իրենք անվանում են օկուպացիա, բնական է, որ չի կարող դրական էպիտետներով խոսել»,- շարունակել է Սիմոնյանը։ «Բացի Հաջիևը, Իլհամ Ալիևին ևս ասել եմ՝ պետք է իմանաք, պարոն նախագահ, որ ձեր հայտարարությունները ՀՀ-ում շատ զգայում են ընդունվում ու երբ մենք խոսում ենք խաղաղության մասին, կարևոր դերակատարում ունեք նաև դուք ու ձեր հռետորաբանությունը ՀՀ-ում շատ լսելի է: Լսեց, ասաց՝ լավ»,- հավելել է Սիմոնյանը: