«Այս COP-ը լեգենդար է․ 30 մլն դոլար է ծախսվել՝ 10 օրվա համար»․ Նարեկ Կարապետյան

«Այս COP17-ը լեգենդար COP է, որովհետև 30 մլն դոլար է ծախսվել 10 օրվա համար»,- ասուլիսի ժամանակ հայտարարել է ԱԺ «Ուժեղ Հայաստան» խմբակցության ղեկավար Նարեկ Կարապետյանը։ «Պատկերացնո՞ւմ եք՝ Գյումրիի տարեկան ներդրումային բյուջեն համեմատելի չէ այս թվի հետ։ Այս գումարով Գյումրիում բնակարանային հարցի նշանակալի մասը կլուծվեր։ Ամենամեծ կոռուպցիոն բացահայտումը, որ 10 տարվա ընթացքում իրենք գտել էին, համահունչ է 10 օրվա այս ծախսած գումարի հետ։ Կարծում եմ՝ կոռուպցիոն դրսևորումները մեր ժողովուրդը պետք է տեսնի, 10 օրում 30 միլիոն դոլար ծախսվո՞ւմ է։ Մենք COP-ի գնումների հետ կապված հաշվետվությունը կներկայացնենք հարգարժան գլխավոր քարտուղարին»,- նշել է ընդդիմադիր գործիչը։