«Մենք վստահում ենք մեր հայ գործընկերներին»․ Արաղչին՝ TRIPP նախագծի մասին

Իրականում մենք մտահոգություններ ունենք տարածաշրջանում և մեր շուրջը ԱՄՆ-ի ցանկացած ներկայության վերաբերյալ։ Սակայն այս հարցի շուրջ մենք սերտ կապի մեջ ենք մեր հայ գործընկերների հետ և վստահում ենք նրանց։ Այս մասին հայտարարել է Իրանի ԱԳ նախարար Աբբաս Արաղչին՝ պատասխանելով այն հարցին, թե արդյոք պահպանվում են Իրանի մտահոգությունները TRIPP նախագծի և տարածաշրջանում ԱՄՆ-ի ներկայության վերաբերյալ։ «Գիտենք, որ նրանք Իրանի անվտանգության դեմ որևէ քայլ չեն ձեռնարկի։ Ուստի շարունակում ենք խորհրդակցությունները Հայաստանի իշխանությունների հետ։ Հայաստանի արտգործնախարարը եղել է Թեհրանում։ Մենք արդյունավետ խորհրդակցություններ ենք ունեցել։ Այսօր մեր նախագահը կհանդիպի վարչապետ Փաշինյանի հետ՝ հնարավոր է՝ վերջին երկու շաբաթվա ընթացքում արդեն երկրորդ անգամ»,- նշել է նա։