«Ադրբեջանը միտումնավոր հրաժարվել է հայ գերիների լուսանկարները տրամադրելուց»․ Սիրանուշ Սահակյան

Ադրբեջանում հայ գերիների մոտ ոչ միայն արտաքին դիտորդների, անկախ մասնագետների մուտքն են արգելափակում, այլև ցանկացած տեղեկատվություն, որը կարող է ցուցադրել նրանց ֆիզիկական վիճակում, ևս սահմանափակվում է․ այս մասին հայ գերիների թեմայով միջազգային համաժողովի ժամանակ հայտարարել է ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։ «Մեզ տրամադրվել են լուսանկարներ, որտեղ իբր պահվում են մեր գերիները։ Այդ լուսանկարներում իդենտիֆիկացիա չկա, թե դրանք ո՞ր խցերն են և ի՞նչ օբյեկտիվ կապ գոյություն ունի այդ խցերի ու դրանցում պահվող անձանց միջև։ Նախկինում խցերը, գրադարանները նկարելիս կանգնեցնում էին նաև հայ պատանդներին և որոշակի առումով հասկանում էինք՝ արտաքին ինչ վիճակում են։ Այս պարագայում խցերում բացակայում են հայ բանտարկյալները»,- նշել է իրավապաշտպանը։