«Ընդդիմադիր մրցակիցների նկատմամբ ճնշումները պակաս նողկալի չեն, քան ՀՀԿ-ի ժամանակներում»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «ՀՀ վարչապետ Նիկոլ Փաշինյանը կոչ է անում, որ ՏԻՄ ընտրությունների մասնակից ճնշումների ենթարկված բոլոր թեկնածուներն ու ընտրողները դիմեն իրեն։ Խոստանում է ասվածը հիմնավորելու դեպքում հրապարակային պատժել ճնշում բանեցրած պաշտոնյաներին։
Անշուշտ, գալիքն ավելի կարևոր է, քան անցյալը:
Բայց, ամեն դեպքում, առաջարկում եմ ուսումնասիրել և հետաքննել, թե ինչպես է պատահում, որ, օրինակ, Ալավերդի քաղաքում ՏԻՄ ընտրություններում հաղթում է ընդդիմության ներկայացուցիչը, բայց կարճ ժամանակ անց զոռբայությամբ իշխանության է եկել ՔՊ-ն:
Էլի համայնքներ կարող եմ նշել, որտեղ ՔՊ-ն պարտվել է, բայց ամեն ինչ արվել է, որ ընդդիմությունը հեռացվի, որոշ դեպքերում գործի է դրվել ընտրովի արդարադատությունը:
Իշխանությունները, և դա բնական է, Հայաստանում վաղուց արդեն չունեն ընտրողների մեծամասնության քվեն:
Տեղերում վիճակը ավելի անմխիթար է:
Այո, ՔՊ-ն փող չի բաժանում, ընտրակաշառք չի տալիս, բայց որոշ համայնքներում գործի դրվող մեխանիզմները և ճնշումները ընդդիմադիր մրցակիցների նկատմամբ պակաս նողկալի չեն, քան ՀՀԿ-ի լուսավոր ժամանակներում»: