«Նորմա՞լ եք համարում, որ կառավարության ղեկավարը սպառնում է ընդդիմությանը՝ փողոցային պայքարով»․ հարց՝ Սրբուհի Գալյանին

«Նորմա՞լ եք համարում, որ կառավարության ղեկավարը Սահմանադրության ընդունման համար սպառնում է ընդդիմությանը փողոցային պայքարով։ 8 տարի է՝ վարչապետ է, դուք 8 տարի է՝ իշխանության եք, էլի ուզում եք գնալ փողոց, ցույցեր անել, դա նորմա՞լ է»,- ճեպազրույցի ժամանակ լրագրողը դիմեց Արդարադատության նախարար Սրբուհի Գալյանին։ «Լեգիտիմ է այն, ինչը համապատասխանում է ժողովրդավարական սկզբունքներին։ Մենք ունենք խորհրդարանում ձայների այնպիսի բաշխվածություն, որ, որպեսզի Սահմանադրությունը դրվի հանրաքվեի, պետք է որոշակի շեմ հաղթահարվի։ Հիմա ընդդիմությունը պետք է որոշի՝ ինքը կողմ է որպեսզի ժողովրդավարությունը գործի, թե՞ չէ։ Իսկ հանրաքվեն ուղիղ ժողովրդավարության սկզբունքի համատեքստում է, եթե դեմ է քվեարկում՝ ուրեմն դեմ է ժողովրդավարությանը»,- պատասխանեց Գալյանը։