«Մտածում էի՝ գիշերվա ողբերգությունից հետո հրաժարական ներկայացրած կլինեք». Էդգար Ղազարյան

«Անկեղծ ասած, ես չէի սպասում, որ այսօր դուք պետք է գաք ԱԺ, մտածում էի՝ գիշերվա ողբերգությունից հետո դուք հրաժարական ներկայացրած կլինեք: Այն նախարարությունը, որը պատասախանատու է վարորդական իրավունքի վկայական տալու հարցում, վերահսկում է մեքենաների տեխնիկական համապատասխանությունը, վերահսկում ճանապարհները և այլն, ու մի օրում ՀՀ 9 քաղաքացի է մահանում, էդ ոլորտի նախարարը չի կարող հաջորդ օրը պաշտոնավարել»,- բյուջետային քննարկման ժամանակ դիմելով ՆԳ նախարար Արփինե Սարգսյանին՝ ասաց ընդդիմադիր պատգամավոր Էդգար Ղազարյանը:

Նախարարը պատասխանեց. «Կառաջարկեի՝ հարցը տալուց ճշգրտեիք նախարարության գործառույթն ու վստահ լինեիք, որ ձեր հարցադրումը տալիս եք այն անձին, ով ունի պատասխանատվություն: Դեռ կա վարույթ, դեռ մեծ հարց է՝ ով է պատասխանու, որն է պրոբլեմն ու ինչու է տեղի ունեցել վթարը»:

Նախօրեին հայտնել էինք Ուշիի ոլորաններում խոշոր ու ողբերգական ավտովթարի մասին: