«Ռեժիմն անցնում է ընդդիմախոսների դեմ ճնշումների նոր փուլի». Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Սամվել Կարապետյանի և «Ուժեղ Հայաստան»-ի դեմ իրականացվում է դասական ռեպրեսիա։
Ռեժիմն անցնում է ընդդիմախոսների դեմ ճնշումների նոր փուլին։
Նրանց օդ ու ջրի պես անհրաժեշտ է ԱԺ-ում ստանալ հանրաքվե իրականացնելու համար ընդդիմության ձայները։
Ի՞նչ պիտի անեն. ճնշեն, բռնեն, կալանավորեն կամ շանտաժի ենթարկեն։
Եթե կստացվի ձայներ ստանալ, կհասնեն իրենց նպատակին, իսկ եթե՝ ոչ…
Այդ դեպքում բոլոր ազդեցիկ դեմքերին կկալանավորեն, կջլատեն ընդդիմադիրներին ու վախի մթնոլորտում կգնան արտահերթի։
Մենք ի՞նչ պետք է անենք։
Պետք է ավելի շատ սիրենք մեր պետությունն ու վախին տուրք չտանք։
Մի կողմում ՀՀ Անկախության հռչակագրի նկատմամբ հավատարմությունն է, մյուս կողմում՝ ադրբեջանացման սպառնալիքը։
Մի կողմում սերն է, մյուս կողմում՝ շանտաժը։
Սերը պետության հանդեպ չպետք է պարտվի ադրբեջանական շանտաժին»: