Չորեքշաբթի, 18 նոյեմբերի, 2026 թ.
|
Ստեփանակերտում`   +11 °C

«Պուտինն ու Թրամփը ԱԽՏՀ գագաթնաժողովի ընթացքում կարող են մի քանի անգամ շփվել»․ Ուշակով

«Պուտինն ու Թրամփը ԱԽՏՀ գագաթնաժողովի ընթացքում կարող են մի քանի անգամ շփվել»․ Ուշակով
29
Այսօր, 14:43

Ռուսաստանի նախագահ Վլադիմիր Պուտինն ու ԱՄՆ նախագահ Դոնալդ Թրամփը ԱԽՏՀ գագաթնաժողովի ընթացքում կարող են նույնիսկ մի քանի անգամ շփվել։ Նման համոզմունք է հայտնել ՌԴ նախագահի օգնական Յուրի Ուշակովը՝ «Вести»-ի լրագրող Պավել Զարուբինի հետ զրույցում։

«Որոշված է, որ նրանք կհանդիպեն, հնարավոր է՝ նույնիսկ այսօր երեկոյան՝ պաշտոնական ընթրիքի ընթացքում, եթե այնտեղ հավաքվեն բոլոր առաջնորդները»,- ասել է նա։

Պատասխանելով այն հարցին, թե արդյոք երկու նախագահների միջև կկայանա լիարժեք երկկողմ հանդիպում, Ուշակովը նշել է. «Առաջնորդները կհանդիպեն, և, հավատացեք ինձ, նրանց միջև լիարժեք զրույց կկայանա՝ անկախ նրանից՝ նրանք կնստեն բազկաթոռների, աթոռների վրա, թե պարզապես կանգնած կզրուցեն՝ նայելով միմյանց աչքերի մեջ։ Հանդիպումը կայանալու է։ Ավելին, կարծում եմ, որ մեր նախագահն ու ԱՄՆ նախագահը ԱԽՏՀ-ի աշխատանքների ընթացքում մի քանի անգամ կշփվեն»։