Վրաստանի նախագահը հրաժարվել է հարգել «Խոջալուի զոհերի» հիշատակը

Վրաստանը դեմ է Լեռնային Ղարաբաղի հակամարտության սրմանը: Այս մասին Մառնեուլիում Ադրբեջանի երիտասարդության ներկայացուցիչների հետ հանդիպման ժամանակ ասել է Վրաստանի նախագահ Գեորգի Մարգվելաշվիլին:

Ադրբեջանական լրատվամիջոցների մեկի հաղորդմամբ՝ հանդիպման ժամանակ ադրբեջանցիներից մեկը Վրաստանի նախագահին հիշեցրել է «Խոջալուի ցեղասպանության» մասին և խնդրել հարգել զոհերի հիշատակը, սակայն Մարգվելաշվիլին անտեսել է նրա խնդրանքը:

Վրաստանի նախագահը նշել է, որ հետևում է Լեռնային Ղարաբաղի հակամարտության շուրջ իրավիճակին: Նա նաև հավելել է, որ Վրաստանը հակամարտության խաղաղ կարգավորման կողմնակիցն է: