Մալթայում սպանված լրագրողին կոռուպցիոն սկանդալում Բաքվի մասնակցության մասին տեղեկացրած ռուս կինը հանձնվել է Հունաստանի իշխանություններին

«Պանամական փաստաթղթերը» հետաքննող լրագրող Դաֆնե Կարուանա Գալիցիային, ով անցած տարի զոհվեց մեքենայի պայթյունի հետևանքով, Մալթայի կոռուպցիոն սկանդալում Բաքվի մասնակցության մասին տեղեկացրած Ռուսաստանի 35-ամյա քաղաքացի Մարիա Եֆիմովան հանձնվել է Աթենքի իշխանություններին, հաղորդում է BBC-ն:

Մալթայում նրա նկատամամբ հետախուզում էին հայտարարել՝ կապված լրագրողի սպանության հետ:

35-ամյա Մարիա Եֆիմովան աշխատում էր Մալթայի Pilatus Bank բանկում: Նշվում է, որ կինն Աթենքի ոստիկանություն է ներկայացել ինքնակամ՝ ասելով, որ իր վախենում է իր կյանքի համար: Եֆիմովան փորձել էր կացության իրավունք ստանալ Հունաստանում: Մինչ այդ նա բնակվում էր Մալթայում, և միայն լրագրողի սպանությունից հետո տեղափոխվել էր Հունաստան:

Այժմ Եֆիմովան կալանքի տակ է: Նրան կասկածում են փողերի յուրացման համար, սակայն նա բոլոր մեղադրանքները հերքում է:

Հիշեցնենք, որ 2016թ. Հետաքննող լրագրողների միջազգային կոնսորցիումը հրապարակել էր այսպես կոչված «Պանամական արխիվը», որում տվյալներ կային աշխարհի մի քանի երկրների վերնախավի կաշառակերության մասին: Կարուանա Գալիցիան դրանց հիման վրա հայտարարել էր, որ երկրի վարչապետի կինն օֆշորային ընկերություն ունի, որի միջոցով Ադրբեջանի իշխանություններից գումարներ է ստացել: