Երկուշաբթի, 22 հոկտեմբերի, 2018 թ.
|
Ստեփանակերտում`   +15 °C

«Կարևոր չէ, թե ով է ինձ առաջադրել». Արմեն Սարգսյան

«Կարևոր չէ, թե ով է ինձ առաջադրել». Արմեն Սարգսյան
629
Չորեքշաբթի, 09 մայիսի, 2018 թ., 12:00

«Շատ բան է փոխվել երկրում, ունենք նոր վարչապետ, ժողովրդի մեծ մասը, երիտասարդները հույսեր ունեն, որ վաղն ավելի լավ է լինելու: Ես ևս ունեմ այդ հույսը»,- Հաղթանակի զբոսայգում լրագրողների հետ զրույցում նշեց ՀՀ նախագահ Արմեն Սարգսյանը: «Կարծում եմ՝ Նիկոլ Փաշինյանը տաղանդավոր մարդ է ու իր հետ գործնական և հարգալից հարաբերություններ ունեմ: Իմ ներդրումը կունենամ, որ կառավարությունը հաջողության հասնի, հակառակ դեպքում անիմաստ կլինեն այն հույսերը, որ ժողովուրդն ունի ապագայի հանդեպ»: Հարցին՝ ինչպես կմեկնաբանի այն հանգամանքը, որ ինքը ՀՀ նախագահի պաշտոնում առաջադրվել է մի մարդու կողմից, որին հասարակությունը մերժեց, Արմեն Սարգսյանն արձագանքել է. «Առաջադրվել եմ ՀՀ երրորդ նախագահի կողմից, կարող էի առաջադրվել, եթե Նիկոլ Փաշինյանն այդ հնարավորությունն ունենար, կամ Ծառուկյանը, կամ ՀՅԴ-ն, կմտածեի ու միգուցե ընդունեի: Կարևոր չէ՝ ով է ինձ առաջադրել, կարևորը, որ ծառայում եմ իմ երկրին»: