Արթուր Վանեցյանը՝ Տարոն Մարգարյանի, Վովա Գասպարյանի, Արա Վարդանյանի մասին

«Մոտ 130 մլն դրամ հանել ա ու խաղացել կազինոներում: Քննություն կանենք, պարզ կլինի՝ վերադարձվել է, թե ոչ: Ինքը հայտարարել է, որ վերադարձվել է»,- անդրադառնալով երեկվա աղմկահարույց ձերբակալությանն՝ ասել է ԱԱԾ տնօրեն Արթուր Վանեցյանը:

Հիշեցնենք՝ ձերբակալվել է «Հայաստան» համահայկական հիմնադրամի տնօրենը. նա հիմնադրամի բանկային քարտից 130 000 000 մլն ՀՀ դրամ է փոխանցել օնլայն խաղատներին:

Արթուր Վանեցյանը չմեկնաբանեց մամուլում տարածված լուրերը, ըստ որի՝ ՀՀ նախկին ոստիկանապետ Վովա Գասպարյանը երեկ հրավիրվել է ԱԱԾ ու մի քանի ժամ մնացել այնտեղ:

Լրագրողները հետաքրքրվեցին նաև Տարոն Մարգարյանի հետ կապված հայտնի տեսանյութի գործով: Վանեցյանն ասաց, որ քաղաքապետի տունը չի խուզարկվել, կատարվում է ուսումնասիրություն: «Մարգարյանը ՀՀ-ում է, իսկ թե որտեղ է գտնվում՝ չգիտեմ: Հարցաքննության չի հրավիրվել»: