Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Սա ակնհայտ քաղաքական ու անձնական հետապնդում է». Վիկտոր Սողոմոնյան

«Սա ակնհայտ քաղաքական ու անձնական հետապնդում է». Վիկտոր Սողոմոնյան
391
Շաբաթ, 28 հուլիսի, 2018 թ., 13:15

«Ե՛վ գործը, և՛ կալանավորումն ապօրինի են: Սա ակնհայտ քաղաքական ու անձնական հետապնդում է: Սա այն է, ինչ վերջերս մոդայիկ դարձած բառով կոչվում է վենդետա: Սա անձնական ու քաղաքական հաշվեհարդար է, որը չի տեղավորվում իրավական դաշտում, որևէ իրավական հիմնավորում չունի»,- լրագրողների հետ հանդիպմանը հայտարարել է ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը:

«Հասկանում եք, թե ինչ է տեղի ունենում, ինչո՞ւ է մեղավոր նշանակվել Ռոբերտ Քոչարյանը, հասկանում եք, թե ինչ արագ տեղի ունեցավ այս գործընթացը, որը կապ չունի Մարտի 1-ի 10 զոհերի գործի բացահայտման հետ:

Ցավում եմ, որ ՀՀ պատմության համար այսչափ կարևոր գործը պատանդ է դարձել քաղաքական նպատակների...: Ցավում եմ, որ գործող իշխանությունների հայտարարություններն ու գործողությունները տարբերվում են մեկը մյուսից»,- ասել է Վիկտոր Սողոմոնյանը՝ անդրադառնալով Ռոբերտ Քոչարյանին առաջադրված մեղադրանքին և կալանավորմանը: